'ആവേശ'ത്തിലെ 'കുട്ടി' മിഥുട്ടി വിവാഹിതനായി

തൃശ്ശൂർ: ഈ വർഷത്തെ സൂപ്പർഹിറ്റ് ചിത്രങ്ങളിൽ ഒന്നായ 'ആവേശ'ത്തിലെ 'കുട്ടി' എന്ന കഥാപാത്രത്തിലൂടെ ശ്രദ്ധ നേടിയ മിഥുട്ടി വിവാഹിതനായി. ദീർഘനാളത്തെ പ്രണയിനിയായ പാർവതിയാണ് വധു. ഇരുവരുടെയും വിവാഹ ചിത്രങ്ങളും വീഡിയോകളും സോഷ്യൽ മീഡിയയിൽ തരംഗമായിരിക്കുകയാണ്.

സമൂഹ മാധ്യമങ്ങളിൽ ഇൻസ്റ്റഗ്രാം റീലുകളിലൂടെ ശ്രദ്ധേയനായ മിഥുട്ടിയെ 'ആവേശം' സിനിമയിലേക്ക് ക്ഷണിക്കുന്നത് സംവിധായകൻ ജിത്തു മാധവനാണ്. സിനിമയിൽ വില്ലൻ കഥാപാത്രത്തെ അവതരിപ്പിച്ച മിഥുട്ടിയുടെ പ്രകടനം ഏറെ പ്രശംസിക്കപ്പെട്ടിരുന്നു.

തൃശ്ശൂർ സ്വദേശിയായ മിഥുട്ടിയും പാർവതിയും തമ്മിൽ കുറച്ചുകാലമായി പ്രണയത്തിലായിരുന്നു. ഇവരുടെ വിവാഹം അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ ലളിതമായി നടന്നു. വിവാഹ ശേഷമുള്ള ചിത്രങ്ങളും റീലുകളും സോഷ്യൽ മീഡിയയിൽ നിരവധി പേരാണ് പങ്കുവെക്കുന്നത്. മിഥുട്ടിക്കും പാർവതിക്കും സിനിമാ ലോകത്തുനിന്നും ആരാധകരിൽ നിന്നും നിരവധി ആശംസകൾ ലഭിക്കുന്നുണ്ട്.