കാട്ടുപന്നികൾ മനുഷ്യജീവന് അപകടമുണ്ടാക്കുന്ന ഘട്ടത്തിൽ അവയെ കൊല്ലാനുള്ള അധികാരം സംസ്ഥാനത്തിനുണ്ടെന്നും എന്നാൽ കേരളം ആ അധികാരം പ്രയോജനപ്പെടുത്തുന്നില്ലെന്നും കേന്ദ്രം ചൂണ്ടിക്കാട്ടി. നിലവിൽ, സംരക്ഷിത മൃഗങ്ങളുടെ രണ്ടാം പട്ടികയിലാണ് കാട്ടുപന്നിയെ ഉൾപ്പെടുത്തിയിരിക്കുന്നത്. ഈ പട്ടികയിൽ നിന്ന് കാട്ടുപന്നിയെ മാറ്റില്ലെന്ന ഉറച്ച നിലപാടിലാണ് കേന്ദ്ര സർക്കാർ. കടുവയും ആനയും ഒന്നാം പട്ടികയിലാണ് ഉൾപ്പെടുന്നത്.
സംസ്ഥാനത്ത് കാട്ടുപന്നി ശല്യം രൂക്ഷമായ സാഹചര്യത്തിൽ കർഷകരും ജനങ്ങളും വലിയ ബുദ്ധിമുട്ടിലാണ്. വിളനാശവും മനുഷ്യർക്ക് നേരെയുള്ള ആക്രമണങ്ങളും വർധിച്ചുവരികയാണ്. ഈ സാഹചര്യത്തിലാണ് കാട്ടുപന്നിയെ ക്ഷുദ്രജീവിയായി പ്രഖ്യാപിക്കണമെന്ന് കേരളം കേന്ദ്രത്തോട് ആവശ്യപ്പെട്ടത്. എന്നാൽ, നിലവിലെ നിയമങ്ങളിൽ ഭേദഗതി വരുത്താൻ കേന്ദ്രം തയ്യാറല്ലെന്നാണ് പുതിയ തീരുമാനം വ്യക്തമാക്കുന്നത്. സംസ്ഥാനങ്ങൾക്ക് നിലവിലുള്ള അധികാരം ഉപയോഗിച്ച് പ്രശ്നം പരിഹരിക്കാമെന്നാണ് കേന്ദ്രത്തിന്റെ നിലപാട്.
0 Comments
Please be respectful in your comments. We do not tolerate any form of hate speech, harassment, or personal attacks. Comments that violate our community guidelines will be removed.